NOTA DE PRENSA

Aprázase o I Festival de Acordeóns Cidade de Ferrol a Setembro, converténdose nun festival solidario.

A asociación de acordeonistas de Canido-Ferrol, ante a ampliación do estado de Alarma anunciado polo presidente do Goberno, decidiu na mañá de hoxe aprazar para o próximo Sábado 26 de Setembro o Festival de Acordeóns previsto para o 1 de Maio.

Atendendo a que a situación actual está a ter un forte impacto socieconómico, dende a nosa entidade plantexámonos asimesmo reenfocar o festival convertíndoo nun festival de carácter solidario, pasando a ser “I Certame Solidario de Acordeóns Cidade de Ferrol”. Neste sentido agradecemos a axuda e colaboración da Concellería de Benestar Social do Concello de Ferrol capitaneada pola concelleira Eva Martínez Montero así como á entidade Intrabarrial do Barrio de Canido.

En canto ao cartaz, mantéñense os grupos confirmados así como a homenaxe ao profesor Xavier Díaz Carrasco e a conducción do Festival a cargo da cantante eurovisiva Lucía Pérez